Кукмарада яңа керәшен гаиләсе туды

Тумышы белән Село-Чура авылыннан булган, хәзердә шунда яшәүче Тимур Осипов белән Иске-Йорт авылы кызы Эльвира Тураханова 30 август көнне яңа гаилә кордылар. Кияү егете Тимур төзелештә эшли, кулыннан бөтен эш тә килә. 

 – 2 ел элек таныштык, озак кына дуслашып йөрдек. 1 сентябрь көнне йөри башлавыбызга 9 ай булды, – дип сөйләде Эльвира. 

Йола-гадәтләргә туры китереп, Эльвираны кияү йортына алып кайтканнар, мендәргә бастырып, бал-май да каптырганнар. Туй Балтач районының Борбаш авылында узган.

 – Кияүгә чыгырга дип Казаннан кайттым, мин кайткан төшкә матур итеп ремонтлар да ясап куйганнар. Әти-әниләр белән яшибез, Алла боерса, – диде килен. 

Яшьләргә бәхетле гаилә тормышы, тигезлек телибез!