Казаклар Чаллысы авылы турында фактлар

1) Авыл җирлеге составына барлыгы 6 авыл керә: Казаклар Чаллысы, Иванай, Бирдебәк, Үри Чаллысы, Зур Кадрәк, Кече Кадрәк.

2) Авыл җирлегенең гомуми мәйдәны 5653 га тәшкил итә.

3) Авылның иң популяр исемнәре: ир-атлар арсында — Николай, хатын — кызлар арасында — Мария.

4) Үзәк урам авылда туган Советлар Союзы Герое — Иванов Валентин Куприянович хөрмәтенә Иванов исемен йөртә.

5) Авыл исемен еш кына Мәмле Казаклар Чаллысы белән бутыйлар.

6) Авылда уза торган «Чүк» бәйрәме күпләргә таныш.

7) Бөек Ватан сугышына Казаклар Чаллысыннан 156 кеше киткән, шуларның 85 мәңгелеккә яу кырында ятып калган.

8) Авылның күренекле кешеләре: Советлар Союзы Герое —Иванов Валентин Куприянович, Татарстанның атказанган, Камал Театры артисты — Олег Фазылҗанов, Филология фәннәре кандидаты Зоя Кириллова, «Татарстанның атказанган матбугат һәм массакүләм коммуникацияләр хезмәткәре» — Валентина Семенова.