Җырчы Алина Давыдова: «Һәрбер ел нидер алып килә, һәрберсе – яңа этап, аны лаеклы узу – безнең бурыч»

2024 ел Алинага  иҗатында үсеш китергән.

«2024 елда миңа дәүләт бүләге тапшырдылар – мәдәният тармагын үстерүгә зур өлеш керткән өчен, Татарстан мәдәният министрлыгының «Мәдәнияттәге уңышлары өчен» күкрәк билгесенә лаек булдым. Бүләк Салават Фәтхетдиновның 36нчы сезон концертлары барышында Г.Камал театры бинасында бирелде. Республика җитәкчелегенә, Салават абыйга минем хезмәтемне югары бәяләүләре өчен рәхмәтлемен. Бу – минем беренче дәүләт бүләгем. Ел саен үткәрелә торган республика премиясе «Бренд года Татарстана»да катнаштым һәм «Татар эстрадасы йолдызы» номинациясендә оттым.

Ә инде быел – 2025 елда үземнең сольный концертларым белән чыгыш ясарга хыялланам. Барысы да яхшы булыр дип өметләнәм. Елларыбыз уңышлы булсын, сау-сәламәт булыйк! Һәрбер ел нидер алып килә, һәрберсе – яңа этап, аны лаеклы узу – безнең бурыч.