“Игәнә” ансамбле – “Татарстанның мәдәни башкаласы” фестивалендә

10 апрельдә Казан шәһәренең “Чулпан” үзәгенә, “Татарстанның мәдәни башкаласы” фестиваль-конкурсына килүчеләрне “Игәнә” ансамбленең керәшен милли киемле артистлары да җыр белән сәламләп каршы алды.

Ләке авылы мәдәният йорты директоры Римма Тимирова әйтүенчә, алар бу фествиальгә зур җаваплылык белән әзерләнгәннәр.

“Эшлибез горурланып, яшибез хозурланып” дип исемләнгән концертта да катнашканнар. Фестиваль-конкурс сәхнәсенә Ләке авылының “Игәнә” ансамбле һәм, шулай ук, балаларның “Айбагыр” керәшен фольклор ансамбле бергәләп чыкканнар. Алар “Игәнәй буйлары” җыруын башкарганнар.

Фото: Римма Тимирова.