Ретро фото: Мәләкәснең тыл ветераннары

Авылларда тыл ветераннары да бөртекләп кенә калып бара. Алар тормышның ачысын да, төчесен дә үз җилкәләрендә күтәргән әбиләр.

«Әбием сугыш башлвнганда 14 яшьлек кыз, урманга утын кисәргә дә, басу сөрергә дә барган. Ирләр эшен эшләргә дә туры килгән аларга. Фотода күрше Санук әби (Сәкун Санугы дип йөриләр иде) һәм Мария әби (Чабата Мариясе, минем әти ягыннан түти).

Мария әби бик күп белә иде авыл тарихын, кешеләр язмышын. Аның әйткән сүзләре гел истә: «Балалар, оҗмахта яшибез хәзер. Кадерен генә белмисез! Пич ягасы, су ташыйсы юк. Керне машина юа, нәрсә кирәк шуны ашыйбыз. Бар иде заманалар... Стенаны газет белән ябыштыра идек. Өй тулы таракан, кандала. Ашарга юк, яз җитү белән үлән җыя башлыйбыз. Кияргә юк, урам тулы ыштансыз бала чага. Сугыштан соңгы юклык, әй күрде инде башлар», – дип язды Роза Евдокимова.

Менә шулай, карендәшләр, тормышның кадерен белеп яшик.