Зәйдә Татарстанның атказанган артисты Елена Данилова белән очрашу булды

Чараның кунагы - Татарстанның атказанган артисты, шагыйрә, «Бәрмәнчек» Дәүләт фольклор ансамбле артисты Елена Данилова-Григорьева.
Чара барышында Елена Михайловна үзенең тормышы, иҗаты турында сөйләгән, тамашачыларны кызыксындырган сорауларга җавап биргән, шигырьләрен укыган, төрле уен коралларында уйнаган.

«Шулай ук күп кырлы талант иясенең узган ел азагында басылып чыккан «Әйтер сүзләр бар әле» дигән шигырьләр китабы да тәкъдим ителде. Кичә ахырында китапханә директоры Сария Батршина һәм районыбызның керәшен җәмгыяте җитәкчесе Петр Минеев Елена  Даниловага үзләренең изге теләкләрен һәм тәбрикләү сүзләрен җиткерделәр. Кичәгә килгән һәркем үзенә рухи азык алды, рәхәтләнеп ял итте», – дип яздылар үзәк китапханә хезмәткәрләре.

Фотолар: Венера Галимова Үзәк китапханә