Зәйдә язгы чәчү алдынгылары билгеләнде

Авылларда язгы чәчү бара! Кырлар гөрләп тора, тракторлар көне-төне эшли. Һавада яңа җир исе, киләчәк уңышның өмете. Һәркем тырыша, чөнки язгы көн елны туйдыра диләр бит. Зәй районы кырларында язгы чәчү эшләре бара, уңышның нигезе салынды дияргә мөмкин. Әмма алда әле бик мөһим чор – культураларның ничек тишелеп чыгуын, үсешен күзәтү бурычы тора. Шушы максаттан, район башлыгы Разиф Кәримов җитәкчелегендә махсус комиссия төзелде.

Күзәтү нәтиҗәләре буенча алдынгылар билгеләнде. Алар Сабантуенда аерым хөрмәтләнәчәк. Ә агрофирмалар арасындагы урыннар түбәндәгечә:

«Зәй» агрофирмасының «Аксар» җитештерү комплексы — I;
«Восток» агрофирмасының «Нива-Восток» җитештерү комплексы — II;
«Зәй шикәре» агрофирмасының «Сәвәләй» җитештерү комплексы — III урында.

Газета "Зәй офыклары"