Зәйдә яшәүче Васильевлар гаиләсе алтын туйларын билгеләп үтте

Николай Панфилович белән Елена Ивановна Васильевлар – Иске Зәйдә яшәүче тату, үрнәк гаилә. Ярты гасыр элек чәчләрен-чәчкә бәйләп, барлык сынауларны җиңеп, тормыш юлыннан кулга-кул тотынышып баралар. Аларның тату яшәү сере гади: үзара хөрмәт һәм еллар узу белән ныгый гына барган чиксез мәхәббәт.

Юбилярларны  «Продвижение» территориаль иҗтимагый үзидарәсе рәисе Олеся Пукаева һәм китапханәче Ольга Сергеева, китапханәнең яшь активистлары өйләренә барып котлады.

«Васильевларның бергә уздырган илле ел гомерләрендә барысы да булган: шатлыгы да, авырлыклары да, бәйрәмнәре дә… Болар барысы да узган, онытылган, ә менә бер-берләренә булган хөрмәтләре һәм мәхәббәтләре калган, ул әле дә аларның йөрәгендә. Алар - бистәбездә үрнәк гаилә», - дип әйтә Олеся Пукаева.

Заинск-информ