«Хезмәт ветераны» исеме алуны үзгәртерергә телиләр
Дәүләт Думасы депутаты Яна Лантратова оборона-сәнәгать комплексы хезмәткәрләре өчен «Хезмәт ветераны» исемен бирүне гадиләштерергә кирәк дип саный.
Документ рәвешендә рәсмиләштерелгән тәкъдим хезмәт министры Антон Котяковка җибәрелгән.
«Оборона-сәнәгать комплексы белгечләре өчен» «Хезмәт ветераны» категориясен бирү тәртибен гадиләштерү мәсьәләсен карарга кирәк», - диелә мөрәҗәгатьтә.
Лантратова сүз илнең иминлеге турында баруын билгеләп үтте. Оборона-сәнәгать комплексы хезмәткәрләрен социаль ярдәм белән тәэмин итү мөһим. Мондый белгечләргә ярдәм көчәйтелергә тиеш, дип белдерде депутат.
Министр Котяковка җибәрелгән документта махсус хәрби операция вакытында оборона-сәнәгать комплексының күп кенә хезмәткәрләре ялларсыз эшли диелә. Әмма закон дәрәҗәсендә социаль ярдәмнең өстәмә чаралары әлегә җитәрлек түгел, дип саный Лантратова.
Ул оборона-сәнәгать комплексы хезмәткәрләренә «Хезмәт ветераны» исемен ведомство бүләкләреннән башка бирергә, шулай ук тиешле стажны ир-атлар өчен 20 елга, хатын-кызлар өчен 15 елга кадәр киметергә тәкъдим итте.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Керәшен дөньясындагы яңалыкларны Телеграм-канал да карап барыгыз.
Хәбәрләрегезне 89172509795 номерына языгыз, шалтыратып әйтегез.
Подробнее: http://tuganaylar.ru/news/novosti/aybagyru-byt
Подробнее: http://tuganaylar.ru/news/novosti/aybagyru-bytсоциаль челтәрләрендәге группалардан укып, белеп барыгыз.
Нет комментариев