Урта Баграж авылында Григорий Абрамов истәлегенә мемориаль такта куелды

Зәй районының Урта Баграж авылында туып-үскән, моннан 1 ел элек хәрби операциядә хәрби бурычын үтәгәндә һәлак булган Григорий Абрамов истәлегенә туган авылында мемориаль такта куелды. Махсус хәрби операция дәвам итә. Меңләгән чын ир-атлар, шул исәптән Зәй егетләре дә, Бөек Ватан сугышында бабалары сугышкан кебек, Ватаныбызны үз гомерләре бәрабәренә яклап, алгы сызыкта тәвәккәллек һәм җиңүгә зур омтылыш белән көрәшәләр.

«Григорий Николаевич та ил өчен авыр вакытта читтә калмады, күңел кушуы буенча Ватанны саклаучылар сафына басты. Алар хәрби бурычларын намус белән һәм лаеклы үтәп, туган ил чикләрен саклауга бәяләп бетергесез өлеш керттеләр. Яклаучы якташларыбызның исемнәре зәйлеләрнең йөрәкләрендә чын патриотизм һәм батырлык үрнәге булып яшәр», – диде район башлыгы Разиф Галиевич.

Фотолар Ф.Красновадан.