«Урагай» ансамбле отчет концерты узды

Сәгать ярым дәвамында коллектив кунакларга милли колорит атмосферасы бүләк итте. Артистлар тамашачыларны халыкның йола-гадәтләре, үзенчәлекле фольклоры белән таныштырды. Концертта халык җырулары яңгырады. Залдагылар сәхнәләштерелгән күренешләрне дә яратып карадылар.

«Концертка кунак булып, Кукмара шәһәреннән гармунчылар килгән иде. Аларның чыгышы кичәне тагын да тулыландырды һәм тамашачыларда аерым бер соклану уятты. Күңелле көйләр, гармун тавышы һәм башкаручыларның осталыгы залда чын бәйрәм атмосферасы тудырды», – дип сөйләде «Урагай»ның солисты. Римма Кузнецова.

Илнар Галиуллин фотосы