Үмер авыл мәдәният йортында күп балалы гаиләләр белән очрашу кичәсе узды

28 февраль көнне үткәрелгән әлеге бәйрәмнең төп максаты – гаиләдә яшәү рәвешенең абруен күтәрү, гаиләгә ярдәм итү, күп балалы гаиләләргә игътибарны арттыру.

«Гаилә кичәсенә күп балалы гаилә – Мутаевлар чакырылган иде.  Константин Дмитриевич  һәм Нина Павловна гаиләсендә сигез бала. Икесе кияүдә. Инде ике оныклары бар. Өч балалы Петровлар да катнашты. Николай Павлович белән Елена Геннадьевна балалары белән бергәләп килделәр. Алып баручылар кунакларга гаиләнең роле, борынгы заманнардан алып бүгенге көнгә кадәр гаилә мөнәсәбәтләренең үсеш тарихы турында сөйләделәр. «Сезнең өчен гаилә нәрсәне аңлата?» дискуссиясендә катнаштык. Чара барышында алып баручылар катнашучыларга сүзләрдән мәкальләр төзергә һәм мәкальләрнең мәгънәсен аңлатырга тәкъдим иттеләр. Бергәләп гаилә турындагы табышмакларны чиштек», – дип сөйләде Үмер авылы мәдәният йорты җитәкчесе Ирина Маркова.

Программа ахырында очрашуда катнашучылар гаиләнең әһәмияте, гаиләдәге йола-гадәтләр һәм үзара мөнәсәбәтләр турында үз фикерләрен әйттеләр. Очрашу дустанә җылы шартларда узды.