«Тур для СВОих» проектында катнашучылар «Бәрмәнчек» җырларын яратты

Ярославль, Ульяновск, Липецк, Мәскәү, Самара өлкәләреннән, Башкортстаннан һәм үзебезнең республикадан җыелган 75 хәрби хезмәткәр Татарстанның бай культурасы белән танышты. Бәйрәмнәрдә катнашып, тарихи урыннарны күреп, үзләренә көч җыеп, бар дөньяларын онытып ял иттеләр. 

Аларның туристлык маршруты Казан шәһәренең, Лаеш һәм Яшел Үзән районнарының истәлекле урыннарын үз эченә алды. «Тур для СВОих»та катнашучылар Республика көнен һәм Казан шәһәре көнен күрделәр, Татарстан Рәисе Рөстәм Миңнеханов белән дә очраштылар. 

29 август көнне алар туристларның Казандагы иң яраткан урыннарыннан берсе булган Иске Татар бистәсенә килделәр. Бөтенроссия «Тур для СВОих» социаль туристлык маршутындагы хәрбиләр каршында «Бәрмәнчек» керәшен дәүләт фольклор ансамбле чыгыш ясады. Ансамбльнең директор вазифаларын башкаручы Юлия Дувалова әйтүенчә, махсус хәрби операциядә Ватан кушкан бурычны үтәүче ир-егетләр «Бәрмәнчек» башкарган җыруларны яратып тыңлаганнар, рәхмәт белдергәннәр.