Тукай районыннан волонтер Эльвира Нафиковага медаль тапшырылган

Бу көннәрдә генә Эльвира Нафиковага Хәрби-төзелеш комплексы ветераннар советы рәисе, армия генералы А.В. Гребенюк имзасы белән, иҗтимагый бүләк – «Инженер гаскәрләре маршалы А.В. Геловани» медале тапшырылган.

«Без махсус хәрби операция зонасындагы хәрбиләргә һәм госпитальләргә ярдәм итү белән шөгыльләнәбез. Шулай ук Донецк шәһәре балалар йортына да ярдәм күрсәтәбез. Төркемебез оешканнан бирле, без 15 тапкыр Донбасска барып кайттык, 200 тоннадан артык гуманитар йөк илттек. Эштә минем нәрсә белән шөгыльләнүемне һәркем белә, график инде җайга салынган. Мин волонтерлык белән шөгыльләнү өчен көннәрне алдан планлаштырам. Һәм эш урыным да кабул итү пункты кебек, һәрвакыт кемдер нәрсәдер китерә яки алып китә. Минем эшемне хуплаган җитәкчелегемә рәхмәт», – ди Эльвира.

Эльвира Нафикова фотолары.