Түбән Камадан Ирина Калмыкова балаларны керәшен культурасы белән таныштырды

Быелгы чаралар Россия халыклары бердәмлеге елына багышланган. Төп максаты — күпмилләтле илебезнең бай мәдәни мирасы белән таныштыру. Май аенда үткәрелгән чара керәшенннәрнең үзенчәлекле йола-гадәтләренә юнәлдерелгән булган.

«Чарада китап күргәзмәсе әзерләнде, анда керәшеннәрнең тормышын, мәдәниятен һәм матурлыгын чагылдырган китаплар, милли киемнәр һәм көнкүреш әйберләре тәкъдим ителде. Балалар керәшеннәрнең тарихы, «Олы көн», «Тручин», «Питрау» кебек традицион бәйрәмнәре, йолалары һәм уеннары белән таныштылар. Алар керәшен телендә хикәяләр тыңладылар, атна көннәрен өйрәнделәр һәм берничә бию хәрәкәтен үзләштерделәр. Мастер-класста балалар чәч үрергә, хуш исле шифалы үләннәр салырга төенчекләр ясарга өйрәнделәр. Шулай ук алар «Алатырь», «кояш»-тормыш һәм гармония тамгасы, «Күк үрмәкүч» — туган җир, буыннар бәйләнеше тамгасы кебек традицион керәшен бизәкләре белән бизәлгән, бәхетсезлектән саклаучы курчаклар ясадылар. Мондый очрашулар яшь буынның дөньяга карашын киңәйтеп кенә калмый, ә башка халыкларның мәдәниятләренә хөрмәт тәрбияләүгә һәм халкыбыз бердәмлеген ныгытуга да зур өлеш кертә», – дип язды Түбән Камадан Ирина Калмыкова.

Фотолар Ирина Калмыковадан