Түбән Чурадан тыл ветераны Мария Агееваны бәйрәм белән котладылар

5 май көнне, Бөтенроссия тарихи-патриотик акциясе кысаларында, Кукмара районының Түбән Чура мәдәният йорты хезмәткәре Наталья Миронова, авыл җирлеге башлыгы, ветераннар советы рәисе һәм мәктәп коллективы бергәләп, «Ветеранны котла» акциясенә кушылды.

Алар авылның иң өлкән кешесе, тыл ветераны Мария Агееваны якынлашып килүче Җиңү бәйрәме белән котладылар. Бу игелекле гамәл, һичшиксез, авыл халкының ветераннарга булган хөрмәтен һәм рәхмәтлелеген күрсәтә. Наталья Миронова сүзләренчә, Мария түти бу очрашудан бик канәгать калган, аның күзләрендә шатлык һәм горурлык яшьләре күренгән.

«Мария түтигә котлау открыткалары һәм бүләкләр тапшырдык. Ул үзенең тормыш юлы, сугыш елларындагы авырлыклар һәм тыныч тормыш өчен көрәше турында сөйләде», – ди Наталья Миронова.

Н.Миронова фотолары.

Керәшен дөньясындагы яңалыкларны МАХ-канал да карап барыгыз. 

Хәбәрләрегезне 89172509795 номерына языгыз, шалтыратып әйтегез.