Татарстанда грипп белән авыручылар саны арта

Кулланучыларның хокукларын яклау һәм кеше иминлеге өлкәсендә күзәтчелек федераль хезмәтенең (Роспотребнадзор) ТР буенча идарәсе җитәкчесе урынбасары Любовь Авдонина шулай дип белдерде.

«Хәл үзгәрә — грипп белән авыручылар саны атна саен арта бара. 7-14 яшьлек мәктәп укучылары арасында грипп йоктыручыларның артуы теркәлде. Монда фильтрлар зур роль уйный. Уку елы башыннан сигез меңгә якын бала мәктәпкә кертелмәде», — диде спикер.

Узган атнада республикада барлыгы 10 008 кеше грипп һәм ОРВИ белән авырган. Бу узган атнадагы дәрәҗәдән 11 процентка югарырак һәм эпидемия бусагасыннан 34 процентка түбәнрәк.

Татар-информ

Керәшен дөньясындагы яңалыкларны МАХ-канал да карап барыгыз. 

Хәбәрләрегезне 89172509795 номерына языгыз, шалтыратып әйтегез.