Село-Чурада «Дарю тепло» акциясенә кушылып чара үткәргәннәр

Бакча балаларын мәдәният йорты белән таныштырганнар, аларга үзләренең эшчәнлеге турында сөйләгәннәр.Чара барышында балаларга мәдәният йортының төрле бүлмәләрен, концерт залын белән күрсәткәннәр. Хезмәткәрләр балаларга театр, музыка, рәсем сәнгате һәм хореография турында аңлатканнар.

«Кечкенә дусларыбызны каршы алдык. Балалар Россия һәм Татарстан флагларының төсләрен аерырга өйрәнсен өчен, рәсем ясау буенча мастер класс үткәрдек. Шулай ук керәшенәр мәдәнияте белән танышып,  традицияләребез һәм йола-гадәтләре турында кызыклы мәгълүматлар бирдек. Уйнау вакытында балаларның күзләрендә шатлык, күңелләрендә бәхет иде. Ахырда «Дарю тепло» акциясенә кушылып, шарлар кабарттык. Кулга-кул тотынышып басып, йөрәк җылыбызны бер-беребезгә тапшырдык. Бу мизгелләр безнең өчен бик кадерле булды, чөнки балалар – безнең киләчәгебез. Аларны тәрбияләү һәм үстерү безнең бурычыбыз, һәм без моны һәрвакыт истә тотарга тиеш», – дип сөйләде мәдәнияят йорты җитәкчесе.Лариса Осипова.