Сарсаз-Баграж мәктәбе директоры Валентин Мартемьянов Яңа елга теләкләрен әйтте

 – Кадерле карендәшләрем, сезне иң сихри бәйрәм – Яңа ел белән ихлас күңелдән котлыйм.

Яңа елны шатлыклы кәеф һәм зур өметләр белән каршылавыгызны телим. Һәр кешенең туган елына карамастан, аның холкы үзенчәлекле була, дип саныйм.

Үтеп баручы ел гаиләбез өчен дә матур булды, эштә дә шактый гына уңышлар яуланды. Ат елы да һәркемгә иминлек, уңышлар, байлык, көч-куәт һәм энергия алып килсен, иң матур хыяллар тормышка ашсын, бәхетле киләчәккә ышаныч ныгысын. Гаиләдә татулык һәм иминлек булсын, ә бәйрәм рухы ел буе саклансын.

Елан елы үзенең шатлыклары, сөенечләре белән истә калсын. Ат елында ил-көннәребез тыныч булсын, авылларыбыз гөрләп торсын, мәктәптә укучылар саны артсын, 2026 ел яңа җиңүләр һәм бәхетләр елына әйләнсен!

А.Кондратьева фотосы.