Россиядә 1 марттан кредитлар алуга үз-үзеңә тыю салу гамәлгә керә

Кредит алуга үз-үзеңә тыю салу — кешенең үз-үзенә чикләү билгеләве, дигән сүз. Синең яки минем исемгә кемнәрнеңдер кредит рәсмиләштерүен булдырмый калу чарасы, ягъни, дип билгеләп үткән белгеч.

Аның әйтүенчә, мошенниклардан шәхси мәгълүматларыбызны саклау, шулай ук акчага бәйле карарларыбызны контрольдә тоту чарасы бу. Быел 1 марттан аннан һәркем файдалана алачак.

Үз-үзеңә тыю билгеләү өчен, шәхси мәгълүматларны, шулай ук кредитлардан тулысынча баш тартуны ( яки онлайн-кредитлардан гына баш тартуны) күрсәтеп, Дәүләт хезмәтләре порталы ашы яисә Күпфункцияле үзәккә гариза тапшырырга кирәк булачак. Тыю билгеләү турында мәгълүмат барлык кредит тарихлары бюроларына тапшырылачак. Кредит оешмалары кредит алуга заявкаларны караганда, моны исәпкә алырга тиеш булачак икән. Белгеч аныклап үткәнчә, үз-үзеңә тыю салу, кредит карталарын кертеп, залогсыз, ягъни тиз һәм җиңел алына торган кредитларга гына кагыла. Ипотекага, автокредит, дәүләт ярдәмендәге белем кредитларына һәм залог белән алына торган кредитларга мондый тыюны билгеләп булмаячак.

 Ватаным Татарстан