Порымнан Ксения Сидоровага мәдәният министрыннан бүләк тапшырылды

Бүләкләнүчеләр арасында керәшен авылы Порымнан клуб һәм китапханә менеджеры Ксения Сидорова да булды. Бүләкне Грахов районы башлыгы Виктор Белов тапшырды.

«Хөрмәтле мәдәният хезмәткәрләре, сез башкалар ял иткәндә эшлисез, кешеләргә күңел байлыгы бирәсез, матурлык бүләк итәсез. Сезнең идеяләрегез һәм тырыш хезмәтегез нәтиҗәсендә Грахов районы кызыклы тормыш белән яши. Безнең районда үткәрелә торган күп кенә бәйрәмнәр, конкурслар, фестивальләр традициягә әверелде һәм халык арасында зур популярлык казанды»,– диде җитәкче.

«Бүләк алуы күңелле, барыбызга да сәламәтлек, оптимизм, барлык башлангычларда уңышлар, бәхет һәм иминлек телим! Яныбызда һәрвакыт яңа иҗади җиңүләргә һәм казанышларга илһам бирүче кешеләр булсын!», – диде Ксения.