«Питрау түгәрәк уены-2025» фестивалендә 50дән артык керәшен ансамбле катнашачак
«Түгәрәк уен» фестивале Питраудагы төп мәйданнарның берсендә уза. Мамадыш районының Җөри авылы янындагы Тырлау аланында оештырыла торган Питрау бәйрәмендә быел 50дән артык керәшен фольклор коллективын күреп булачак.
Фестивальнең төп максаты – керәшеннәрнең этник культурасын үстерү һәм саклау. Республикабызның төрле районнарындагы һәм чит төбәкләрдәге керәшен фольклор ансамбльләре «Питрау түгәрәк уены»нда һәр елны катнашырга тырышалар.
Быел «Питрау түгәрәк уены-2025» фестиваленә Татарстаннан – 46, Чиләбе өлкәсенең Нагайбәк районыннан, Башкортстанның Бакалы районыннан, Удмуртиянең Грахово районыннан һәм Самара өлкәсеннән 4 фольклор ансамбле килүе көтелә.
Бәйрәмдә катнашачак фольклор коллективлар, солистлар мактау сүзләренә лаек. Алар, көнне-төнгә ялгап, Питрау күрергә килүчеләр өчен ел буе сагынып сөйләрлек бәйрәм бүләк итәләр. Фольклор ансамбльләре – Питрау күрке. Бәйрәм башында әлеге ансамбльләрнең төп мәйданны әйләнеп чыгуы фестивальгә матур бер бизәк өстәячәк.
19 июль көнне Питрауның төп мәйданнарыннан берсендә 18:00 сәгатьтә башланып китәчәк «Питрау түгәрәк уены-2025» фестивален Я.Емельянов исемендәге мәдәни үзәк әзерли.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Керәшен дөньясындагы яңалыкларны Телеграм-канал да карап барыгыз.
Хәбәрләрегезне 89172509795 номерына языгыз, шалтыратып әйтегез.
Подробнее: http://tuganaylar.ru/news/novosti/aybagyru-byt
Подробнее: http://tuganaylar.ru/news/novosti/aybagyru-bytсоциаль челтәрләрендәге группалардан укып, белеп барыгыз.
Нет комментариев