25-29 январьрда Мәскәүдә Халыкара XXXIV Рождество укулары уза. Анда, Татарстан делегациясе составында, Зәй район башлыгы урынбасары Пётр Уразайкин да катнаша.
Укулар кысаларында төрле чаралар уздырыла: пленар утырышлар, түгәрәк өстәлләр, мастер-класслар һәм иҗади очрашулар.
27 январьда Мәскәүнең Дәүләт Кремль Сараенда, Мәскәү һәм Бөтенроссия Патриархы Кирилл җитәкчелегендә, Халыкара XXXIV Рождество укуларының «Мәгърифәт һәм әхлаклылык: шәхес формалаштыру һәм заман әйдәве» дигән темага пленар утырышы узды.
— Патриарх Кирилл үзенең чыгышында илкүләм мөһим нәрсәләр, шул исәптән мәгарифнең иң яхшы традицияләрен үстерү һәм яшь буынны какшамас рухи-әхлакый идеаллар нигезендә тәрбияләү мәсьәләсен күтәрде. Ул баланы кечкенә чагыннан ук тәрбияләргән кирәклеген ассызыклады. Рождество укуларында тупланган тәҗрибә – уникаль. Бу форум безнең алга анык бурычлар куя. Махсус хәрби операциядә руханилар да катнаша. Пленар утырышта шулай ук армиягә булышлык турында да зур сөйләшү булды, — ди Пётр Сергеевич.
Зәй офыклары, Клара Ермолаева
Нет комментариев