Менделеевскның яшь йолдызы: Яна Шалаумова үзенең беренче җырын тәкъдим итте

«Эх, дусларым җыры» тулы бер команда, Яна һәм аның әнисенең уртак эш нәтиҗәсе. Профессионаллар белән җырның көен, сүзләрен яза, әнисе белән бергә фотосессия һәм җырны халыкка тәкъдим итү өчен образны җентекләп уйлый. Әлеге җырны чыгару Яна Шалаумованың иҗатында мөһим этап, алга зур адым атлау дигән сүз.

Талантлы башкаручы репертуарында рус һәм татар, керәшен җырлары бар. Ул район, республика, бөтенроссия һәм халыкара конкурслар җиңүчесе, Татарстан Республикасының керәшен яшьләр хәрәкәте активисты. Күптән түгел Яна Грозный шәһәрендә (Чечня Республикасы) узган конкурста Менделеевскны лаеклы тәкъдим итте һәм I дәрәҗә лауреаты булды.

Хәзер Яна Алабуга мәдәният һәм сәнгать колледжында вокал юнәлеше буенча белем ала. Киләчәккә зур планнарын кора. Иң зур хыялларының берсе –  «Голос» проектына эләгү. Моннан тыш, Яна бер сәхнәдә танылган татар артистлары һәм Россия эстрадасы йолдызлары, мәсәлән, җырчы Пелагея белән дә чыгыш ясарга хыяллана. Сүз уңаеннан, аны күпләр Пелагияга ошата икән.

Аделина Миронова фотосы

Менделеевск яңалыклары