Марина Карпова СВО зонасында карендәшләребез белән очрашып кайтты

Хәрби бурычын үтәгәндә күрсәткән батырлыклары һәм кыюлыклары өчен, махсус хәрби зонадагы якташларыбызга «Татарстан Республикасы алдындагы казанышлары өчен» орден медальләре тапшырылган. Бүләкләү тантанасыннан соң, бәйрәм концерты күрсәтелгән. СВОдагы егетләр янына барган артистлар арасында карендәшебез, танылган җырчы Марина Карпова да булган. Марина ул зонада еш бара, үзенең җырлары белән егетләрне рухландырып, үз туганнарыдай аралашып, аларга көч, ныклык биреп кайта.

Бу баруында Марина ике керәшен егетен очраткан. Берсе – Питрәч егете Виктор, икенчесе – Балтач районының Дорга авылыннан Сергей.

«Бу – минем өченче тапкыр баруым. Бу юлы 10 көнгә бардык. Анда үзебезнең керәшен егетләрен дә очраттым. Бу махсус зонада яшәүнең, безнең гадәти тормышның никадәр матур икәнен аңлыйсың»,  – дип яза Марина социаль челтәрләрдә.