Марафончы Ирина Калмыкова балаларны Тройсын һәм Питрау бәйрәме белән таныштырган

Керәшеннәрне күңелле җырулар, уеннардан башка күз алдына китерерү мөмкин түгел. Һәр бәйрәмнең дә үз йоласы, үз җырулары була. Шуны исәпкә алып, Түбән Камадан карендәшебез Ирина Калмыкова шәһәрдәге балалар бакчасында милли бәйрәмнәребез – Тройсын һәм Питрау  турында әңгәмә үткәргән.

Малайлар һәм кызлар әлеге бәйрәнәр турында тулырак белгәч, «Кулъяулык салу» һәм «Чүкетә» уеннарын уйнаганнар.  

Ирина Дмитриевна бәйрәмнәр турында гына түгел, ә үзе киеп килгән керәшен күлмәге, бизәнү әйберләре турында да сөйләгән. Балалар аеруча тамаксаны кызыксынып караганнар.

Фотолар Ирина Калмыкова архивыннан