Мәләкәс мәктәбендә «Чиста обелиск» акциясе үткәрделәр

Бу бер тапкыр гына ярдәм түгел. Алар обелискны даими күзәтеп торалар. Бу эшне укучылар зур җаваплылык һәм ихлас күңел белән башкаралар. Алар өчен бу физик эш түгел, ә Ватанны саклаган батырларны искә алу, аларның хезмәтләрен хөрмәтләү мөмкинлеге.

Мондый акцияләр яшь буынны Ватанга мәхәббәт, тарихи хәтерне саклау рухында тәрбияләү өчен бик мөһим. Укучыларның бу тырышлыгын һәм активлыгын күреп, без аларның киләчәккә ышанычлы адымнар белән атлауларын күрәбез. «Чиста обелиск» акциясе – ул безнең уртак хәтеребезне, хөрмәтебезне һәм яшь буынның изге гамәлләрен күрсәтүче бер мисал.

«Истәлекле урыннарны төзекләндерү – ул безнең эшләребезнең кечкенә бер өлеше, шуның ярдәмендә без киләчәк өчен тыныч күк йөзе хакына үз тормышларын кызганмаган һәркемгә рәхмәтебезне белдерәбез. Безнең төп бурычыбыз – бу хәтерне еллар буена саклап калу. Тормышлары бәясе белән безгә тынычлык һәм ирек бүләк иткәннәрне мәңгегә истә тотарбыз һәм хөрмәтләрбез», – диде укытучы Регина Васильева.