Мәгариф һәм фән министры белем бирү дәрәҗәсенә йогынты ясый торган өч факторны атады
Кадрлар, инфраструктура һәм укыту технологияләре – белем бирү дәрәҗәсенә йогынты ясый торган өч төп фактор. Бу хакта «Татар-информ»га республиканың мәгариф һәм фән министры Илсур Һадиуллин әйтте.
«Өлгереш һәм белем бирү сыйфаты күп факторларга бәйле. Өчесен аерып әйтәм: инфраструктура, кадрлар һәм технологияләр. Без сыйфатлы, уңайлы мәктәпләр төзибез, әмма яхшы укытучылар булмаса анда нәтиҗә булмаячак. Өлгерешне арттыру һәм белем бирү сыйфатына йогынты ясау өчен без бу мәсьәләләрне комплекслы хәл итәргә тиеш», – диде Илсур Һадиуллин.
Өлгерешне арттыру һәм укучыларда белемгә кызыксынуны үстерү өчен Татарстанда олимпиада җиңүчеләрен һәм призерларын төбәк һәм Россия бәйгеләре өчен 10 меңнән 200 меңгә кадәр, ә халыкара бәйгеләр өчен 460 меңгә кадәр акчалата бүләкләү программасы бар.
Шулай ук җиңүчеләрнең һәм призерларның укытучылары да 10 меңнән 230 меңгә кадәр премия алырга мөмкин. Моннан тыш, Татарстанда ел саен «Ел укытучысы» премиясе уздырыла, ана төрле юнәлешләрдә иң яхшы 15 укытучыны сайлыйлар.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Керәшен дөньясындагы яңалыкларны Телеграм-канал да карап барыгыз.
Хәбәрләрегезне 89172509795 номерына языгыз, шалтыратып әйтегез.
Подробнее: http://tuganaylar.ru/news/novosti/aybagyru-byt
Подробнее: http://tuganaylar.ru/news/novosti/aybagyru-bytсоциаль челтәрләрендәге группалардан укып, белеп барыгыз.
Нет комментариев