Кукмарадан карендәшебез Егор Иванов - кыр батыры

Үрәсбаш авылында яшәүче, «Әсәнбаш Агро» җәмгыятендә эшләүче Егор Ивановның фидакарь хезмәте югары бәяләнеп,  «Кыр батыры — 2025» дигән мактаулы исемгә лаек булды. Аңа бү бүләкне Сабантуйда тапшырдылар.

Хезмәте өчен ул акчалата премия, район башлыгы Сергей Димитриевның Мактау грамотасы һәм хуҗалык җитәкчесенең Рәхмәт хаты белән бүләкләнде.

Игенче хезмәте җиңелләрдән түгел, әмма карендәшебез Егор 1985 елда армиядән кайткач ук шушы юлны сайлый. Шул вакыттан бирле ул ел саен яхшы күрсәткечләргә ирешеп, туган җиренә тугры хезмәт итә. Сабантуй бәйрәмендә Кукмара районы җитәкчелеге аңа ихтирам күрсәтеп, котлауларын җиткерде һәм бүләк тапшырды. Егор Иванов кебек хезмәт алдынгыларына карап, авыл хуҗалыгына мәхәббәт уяна.