«Кряшен Чибяре» конкурсында катнашу өчен 10 кыздан гариза килгән

Конкурста катнашырга теләк белдергән кызлар – Казан, Яр Чаллы шәһәрләре, Түбән Кама, Мамадыш, Кайбыч, Питрәч, Менделеевск, Зәй районнарынна һәм Башкорстанның Бакалы районнарыннан.

12 июнь көнне Казанның Я.Емельянов исемендәге мәдәни үзәгендә финалистлар исемлеге билгеле булачак. Шуннан соң, кызлар өчен, 3 көн дәвамында «Кряшен чибяре»-2025» конкурсының әзерлек туры узачак. 

«Әзерлек турында кызлар керәшен йолалары буенча лекция, вокал, хореография буенча мастер-классларда катнашып, «Кряшен чибяре» гимнын яздырачаклар. Оештыручылар кызларга үзләрен сәхнәдә матур итеп тоту; дөрес сөйләү; конкурска әзерлек буенча киңәшләр дә бирәчәкләр, – дип хәбәр итә оештыручылар.

«Кряшен чибяре» конкурсы турында «Туганайлар» сайтында һәм социаль челтәрдәге группаларда күзәтеп барыгыз. 

19 июльдә Мамадыш районының Җөри авылы янындагы «Питрау-2025» – «Кряшен чибяре» мәйданында конкурсның йомгаклау этабы булачак. Биредә Татарстан күләмендәге «Кряшен чибяре»н һәм Мамадыш муниципаль районының «Кряшен чибяре»н сайлаячаклар. Икенче, өченче урынны алучы чибәрләрне дә махсус диплом, бүләк көтә.

* * *

 «Кряшен чибяре-2024» титулын Мамадыштан Светлана Иванова яулаган иде.

Фотода  «Кряшен чибяре-2024» финалистлары, Алина Кондратьева фотосы.

Керәшен дөньясындагы яңалыкларны МАХ-канал да карап барыгыз. 

Хәбәрләрегезне 89172509795 номерына языгыз, шалтыратып әйтегез.