Корчай авылында чик сакчыларының еллык очрашуы оештырылды

Май ахырында Бакалы районының Корчай авылы чик сакчыларын җыйды. Бу авыл өчен әлеге традиция ел саен кабатлана. Чик сакчылары өчен бу көн – зур бәйрәм. Алар гаиләләре белән бергә җыелып, табигать кочагында ял итә, күңелле итеп аралаша, җырлар җырлый. Бәйрәмнең иң мөһим өлеше – хәрби монументка чәчәкләр салу. Шулай итеп, чик сакчылары үзләренең хезмәттәшләрен искә ала, аларның батырлыгын онытмый. Авыл клубы җитәкчесе Надежда Пятибратова сүзләренчә, очрашулар символик чик баганасы янында уза. Әлеге багана 2022 елда Никадим Евстафьевич Сидоровның идеясе буенча куелган. 

«Минем ирем дә пограничник иде. Аны да искә алдылар,  веноклар куйдылар.  Халык җыела, эш дип тормый. Чик баганасын куюны да чик сагында булганнар үз өсләренә алдылар. Авылыбызда шундый актив кешеләр булуына күңел сөенә. Татарстанда яшәүче якташларыбыз да  килделәр», – дип өстәде клуб җитәкчесе.