Керәшен Сәрдәсендә 508 квадрат метр маскировка челтәре үрелде

Бу эшнең шундый тиз һәм сыйфатлы башкарылуына барлык волонтерлар да бик шат. 

«Бүген безнең авыл мәдәният йортында бик зур һәм мөһим эшнең чираттагы этабы уңышлы тәмамланды. Кыска гына вакыт эчендә, безнең тырыш авылдашларыбыз 400 квадрат метр чамасы маскировка сеткалары үреп бетерделәр. Гомуми күләм исә 508 квадрат метр тәшкил итә», – дип хәбәр итте мәдәният йорты хезмәткәре Евдокия Никитина.

Бу уңышның сере – авылдашларының бердәмлеге һәм фидакарьлеге. Кызу эш вакытында, үзләренең барлык шәхси эшләрен калдырып, чакыруның икенче көнендә үк, мәдәният йортына агылып килгән һәркемгә чиксез рәхмәт. «Махсус хәрби операциядәге егетләребезгә безнең ярдәмебез бик кирәк», – ди алар.

Евдокия Никитина фотолары.