Керәшен балалары өчен «Айбагыр» этносменасы башланып китте

15нче «Айбагыр»да 10-18 яшьләрдәге 104 бала ял итеп, үз сәламәтлеген ныгытачак. Халкыбызның бай мирасы белән танышып, берсеннән-берсе кызыклырак уен-ярышларда катнашып, файдалы мастер-классларда осталыкка өйрәнеп кайтачаклар. Табигатьнең матур урынындагы лагерьда балалар ялы өчен барлык шартлар да бар — заманча корпуслар, уңайлы ашханә, спорт мәйданчыклары…

Быел Россиядә халыклар бердәмлеге елы. Шушы идея сменаның төп темасы булачак. Лагерь программасы Россиянең төрле халыклары культураларына сәяхәткә корыла, әлбәттә, керәшен акценты белән. Һәр отрядка үз төбәген генә түгел, ә башка халыкның культурасы белән уртак нокталарны табу бурычы куела. 

«Айбагыр» тормышы белән «Туганайлар»ның электрон сайтында, социаль челтәрләрдә таныштырып торырбыз. Керәшен кызлары һәм малайларының бу этносменадары җәйге ялы турында газетаның киләсе саннарында язмалар да биреләчәк.

Фото: Алиса Ахметшина