Керәшен авылларында Симек, Тройсын, Чүк бәйрәмнәре үтәчәк — график

Борынгы вакытлардан ук, халык, табигать календарена нигезләнеп, җыеннарга — түгәрәк уеннарга җыелган. Мондый бәйрәм-җыеннар, гадәттә өч көн барган. Беренче көне — кунак каршылау, ул көнне тирә-яктан туган-тумача җыелган. Икенчесе — зиратка бару. Иртәнге якта зиратка поп килеп, һәр ыруга укып йөргән. Өченчесе — кунакларны озату. Шушы көннәрдә яшьләр кичен түгәрәк уеннарга җыелган. Аларны күзәтергә дип өлкәннәр дә җыен күрергә барган. Керәшеннәр «түгәрәк уенга, җыенга, яки мәйданга барабыз» дип сөйләшкәннәр.

Төрле авылның үз бәйрәм-җыены булган. Шулай итеп, туган-тумачалар әле бер авылга, әле икенчесенә кунакка төшкән, бәйрәм ясаганнар. Бер авылда — Симек җыены, икенчесендә — Тройсын, Җармука җыеннары, икенчесендә — Питрау, Казанский җыеннары булган.

Тройсын быел 8 июньгә туры килә. 

Түбәндә республика районнарында җәйге җыеннар графигы:

БАЛЫК БИСТӘСЕ

• 7 июньдә 13.00 сәгатьтә Алан-Полян авылы халкы Симек бәйрәменә җыелачак.
• 8 июнь көнне Үри Чаллысында Тройсын оештырылачак.
• Шулай ук, 8 июньдә Керәшен Казысында 12:00 Тройсын бәйрәме булачак.
• 15 июнь көнне 11:00 сәгатьтә Иванайда һәм Казаклар Чаллысы авылларында Чүк узачак. 

КУКМАРА

• 10 июнь 16:00 сәгатьтә Югары Чура авылында Троица бәйрәме.

ЛЕНИНОГОРСК

• Федотовка авылында Тройсын бәйрәмен һәр елдагыча зурлап билгеләп үтәләр. Быел ул 8 июнь 9:00 сәгатьтә узачак.

МЕНДЕЛЕЕВСК

• Иске Гришкинда 14 июнь көнне Тройсын йоласын үтиячәкләр.

ПИТРӘЧ

• 7 июньдә 18:00 сәгатьтә Кибәчтә, авылның престол бәйрәме буларак, зурлап, милли көрәш һәм башка спорт ярышлары, күңелле уеннар, җыр-биюләр белән, Тройсын бәйрәме уздырыла.
• Көлкәмәр (Мишә яны буенда) авылында 7 июндә 16:00 Симек бәйрәме узачак.
• Керәшен-Сәрдәсендә 8 июнь көнне 13:00 сәгатьтә Тройсын булачак.
• Янсуарда 6 июнь көнне 17:00 сәгатьтә Симек бәйрәменә җыелачаклар.
• Кәвәлдә 7 июнь, 16:00 сәгатьтә.

ТЕЛӘЧЕ

• 7 июньдә 17:00 сәгатьтә Мирәтәк авылында Тройсын булачак.
• 8 июньдә 13.00 сәгатьтә Колбагышта (Иске Карабаян) һәм Субаш авылларында Тройсын бәйрәме узачак.

ТУКАЙ РАЙОНЫ

• 8 июнь көнне Җәйләү авылында Тройсын бәйрәме уздырыла.

ТҮБӘН КАМА

• Җирекле авылында 7 июньдә 14.00 сәгатьтә Тройсын бәйрәме уза.
• Троицк поселогында 15 июньдә 12:00 сәгатьтә авыл клубы мәйданы янында Тройсын булачак.

ЧИСТАЙ

• 8 июньдә Чистай районы Югары Кондрата авылында 11:00 сәгатьтә Республикакүләм «Тройсын — җапрак бәйрәме» узачак.

ӘЛМӘТ

• Илтән-Бутада 8 июнь сәгать 11:00 Тройсын узачак.
• Кәләйдә Тройсын бәйрәме 8 июньдә 15:00 сәгатьтә Тройсын йоласы үтәләчәк.