Карендәшебез Василий Ивановның «Уены-чыны бергә» дигән беренче китабы чыкты

Читтә яшәүче күркәм карендәшләребез, аларның яшәү-көнкүрешләре белән танышып торабыз. Марий Эл Республикасындагы кечкенә керәшен авылы - Кече Нослы турында газетабыз битләрендә әледән-әле искә алып торабыз.

Иванов Василий Алексеевич 1954 елда күп балалы гаиләдә туган. Аның әнисе Анна Андреевна гади колхозчы. Әтисе Иванов Алексей Иванович та колхозда эшләгән, тегүче, балта остасы, умартачылык һөнәрләрен әйбәт белгән. 10 баласына боларның барысын да өйрәтергә тырышкан.

Ивановлар – җыр-моңга гашыйк, талантлы гаилә. Шуның өстенә, Василий Иванов шигырьләр һәм хикәяләр дә яза.  Шушы көннәрдә генә Василий Алексеевичның “Уены-чыны бергә” дигән китабы дөнья күрде.

“Бу китап юмор яратучылар өчен. Тырыштым инде, дусларым алып укырлар дидем, кыска комедиялэр дә бар анда. Укып караган кешеләр әйтүенчә, исеме җисеменә туры килә”, – ул үзе.