Иванайдан тыл хезмәтчәне Анна Мустаевага «Җиңүгә 80 ел» юбилей медале тапшырылды

Бу чарада Балык Бистәсе районының Мәгариф бүлеге җитәкчесе Илсур Садыйков, Казаклар Чаллысы авыл җирлеге башлыгы Фәрит Хәсәншин, Иванай авылы клубы җитәкчесе Нина Евдокимова һәм яшь армиячеләр катнаштылар.

Быел без барыбыз өчен дә мөһим булган датаны - Бөек Ватан сугышында Җиңүнең 80 еллыгын билгеләп үтәбез. Илебезнең һәр кешесе өчен әһәмиятле булган юбилей, Бөек Җиңүне якынайтуга зур өлеш керткән һәрбер кешенең батырлыгын искә төшерә.

«Анна Федоровна да күңелендә уелып калган сугыш хатирәләре белән бүлеште, киләчәк буынга матур теләкләрен җиткерде. Анна түтине чын күңелдән котлыйбыз! Балалар куанычы күреп, якыннарыңның күңел җылысын тоеп, авылыбызның хөрмәтле кешесе, матур яшәү өлгесе булып тагын күп еллар исәнлектә-саулыкта яшәргә язсын!»,  –  дип сөйләде Нина Евдокимова.