Юкәче һәм Тәмте авылларында Казанский бәйрәме узачак

Казанский җыены җәйнең соңгы бәйрәме дип санала. Бу җыен — Тәмтенең престол бәйрәме, ул Казан Изге Ана иконасы хөрмәтенә уздырыла. Халык аны Авыл көне буларак оештыра.

Гадәттәгечә, бәйрәм кичке җидедә, Тәмте авылы болынындагы мәйданда башланып китәчәк. Аның алыштыргысыз алып баручысы — Татарстанның атказанган артисты Олег Фазылҗанов. Аны авыл халкы бик көтеп ала. Нинди көнгә туры килсә дә, ул кайтып, бәйрәмне баштан ахырга кадәр алып бара. 

Юкәчедә Казанский бәйрәме чиркәүдә келәү итүдән башланып, җыен белән тәмамланачак.Төштән соң халык авыл уртасындагы мәйданга җыенга җыелалар.

Олег Фазылҗанов алып барачак бәйрәмдә татар эстрадасы артистлары: Вадим Захаров, Ильназ Бах, Гүзәл Идрисова, Хәят, «Бәрмәнчек» дәүләт фольклор ансабмле солитсы Регина Павлова чыгыш ясаячак. Шулай ук керәшен фольклор ансамбле чыгышлары, төрле уеннар, ярышлар да булачак.