Югары Пәнәчегә Үзбәкстаннан кунаклар килгән

Анда Үзбәкстаннан килгән кунаклар да катнашкан. Алар үзләре белән якыннан таныштырып, йолалар, тәрбия турында сөйләделәр.

«Тамашачыларга Үзбәкстан турында презентация тәкъдим ителде. Кызыклы биремле уеннарда бик теләп катнаштылар. Кунакларыбыз үзбәк милли биюләрен башкарып, һәр тамашачыга бәйрәм рухы бүләк иттеләр. Кунаклар пешергән үзбәк пылавыннан һәркем авыз итте. Тәмле итеп әзерләнгән пылау серләре белән дә уртаклашты алар», – ди Югары Пәнәче мәдәният йорты директоры Илһамия Гарифуллина.

«Дуслык күпере» мастер-классында үзбәк милли ризыгы – «Йомырка пилмәне» пешерү серләрен өйрәттеләр. Әлеге тәмле ризыкны әзерләргә йомырка, каймак, катык, су, тоз, май кирәк. Үзбәк кунакларыбыз мәдәният йортына килгән тамашачыларны йомырка пилмәне белән дә сыйлады.  

«Ике арада дуслык, бердәмлек күпере сузылды. Файдалы һәм истәлекле очрашу күңелләрдә сакланыр. Барчасына саулык, бәрәкәтле гомер телибез. Тыныч илләрдә бердәм булып яшик», – ди Илһамия Рәисовна.

Фотолар Илһамия Гарифуллинадан.

Заинск-информ