Ике керәшен командасы «Әйдә, ШаяРТ»ның финалына әзерләнә

Быел фестивальдә 4 такым (команда) көч сынашачак:  «Крәшеннәр» (Казан), «Супер кряшен» (Тукай районы), «Сабалета» (Саба), «Зыян гына» (Казан дәүләт аграр университеты). Әлеге командалар «Әйдә, ШаяРТ«ның бу сезонында чемпион исеменә көч сынашачаклар. 

«Супер кряшен» командасы инде 5 ел уйнауга карамастан, финалда – беренче тапкыр.

«Без – керәшеннәр! Җырлыйбыз, биибез һәм иң мөһиме – үзебезнең колоритны югалтмыйбыз. Сәхнәгә чыкканда һәрвакыт «Без үзебезчә» дип чыгабыз», – дип әйтә алар.

Ә «Крәшеннәр» җыелма командасы инде ике тапкыр татар КВН лигасының «Әйдә, ШаяРТ!» чемпионнары булды. Әлеге югары планканы алар һәр уенда да тоталар. Аларны инде беләләр, таныйлар, яраталар.

Карендәшләр, 14 декабрьдә (сәгать 17:00) барыбыз да керәшеннәргә җанатарга барыйк.

Алина Кондратьева фотосы

Керәшен дөньясындагы яңалыкларны МАХ-канал да карап барыгыз. 

Хәбәрләрегезне 89172509795 номерына языгыз, шалтыратып әйтегез.