Яр Чаллыда Я.Емельяновны искә алдылар

14 августта керәшен мәдәниятен, телен һәм традицияләрен яратучыларның «Игәнәй» клубына килүчеләр Яков Емельяновның биографиясе белән якыннан таныштылар. Җырчы Җәкәүнең шигырьләрен укыдылар. Аның үз халкын яратуын, аны югары бәяләвен, үз хисләрен шигырьгә салып оста җиткерә алуына сокландылар.

Яков Емельяновның кешеләрне белемле итәргә, аларны яхшылыкка һәм кеше хәленә керергә, үзләренең кем һәм кайсы халыктан булуларын белеп, шуның белән горурланырга өйрәтергә тырышкан. Бу аның иҗатында тулысынча чагылыш тапкан.

Нәкъ менә шул омтылышы аның шигырьләренә үткенлек өсти, фикерен турыдан ярып сала – дөреслекне кычкырып, ачык итеп әйтә. Укучының аңына үтеп керергә, аңа тәэсир итеп, аны күпмедер дәрәҗәдә тәрбияләргә омтыла.

Яков Емельяновның халкыбыз өчен күпме эшләгәнен күз алдына да китерүе кыен. Ул үзенең бар гомерен халкына багышлаган.  Җырчы Җәкәү – керәшеннәрнең беренче мәгърифәтчесе. Әлбәттә, Я.Емельянов тарихка беренче керәшен шагыйре буларак мәңгегә кереп калды, әмма, беренче чиратта, ул үз халкына тугрылыклы һәм аны бар йөрәге белән яраткан хөрмәтле кеше буларак халык күңелендә саклана.

Фото: «Родник» халыклар дуслыгы йорты