Якты Күлдә махсус хәрби операциядән ялга кайткан егет белән очрашу үтте

Якты Күл авылындагы маскировка челтәрләре үрүчеләр янында махсус хәрби операциядән ялга кайткан егетләр еш була. Алар әлеге игелекле затларга рәхмәт әйтер өчен килә.
Челтәр үрүчеләр янына бу көннәрдә тагын бер хәрби егет килде. Егет Ватанга мәхәббәт һәм бердәмлекнең әһәмияте хакында үз фикерләрен әйткән.

«Алгы сызыктагы катлаулы шартлар һәм үзләренә үтәргә туры килгән сынаулар турында кыскача сөйләде. Авыл волонтерлары кебек гади кешеләрнең ярдәме зур көч бирә һәм җиңүгә ышанычны арттыра, дип ассызыклады ул.

Без, Якты Күл мәдәният йорты хезмәткәрләре, бу очрашуны оештырып, батыр якташыбызга рәхмәт белдерәбез. Аның сүзләре безнең күңелләрдә тирән эз калдырды.

Барыбыз да, чын күңелдән, яклаучыларыбызның махсус операция тәмамланып, исән-сау туган йортларына, гаиләләренә кайтуларын телибез», – диде мәдәният йорты җитәкчесе Татьяна Егорова.

 

Ялга кайткан егетнең сүзләре, аның батырлыгы һәм фидакарьлеге, һәркемне Ватанны яратырга, аның өчен көрәшергә өйрәтә. Аның тәҗрибәсе – ул безнең тарихыбыз, безнең горурлыгыбыз.

Татьяна Егорова фотосы.