Якты Күл авылы волонтерлары 400-нче маскировка челтәрен әзерләп тапшырдылар

Җәйге көннәрнең мәшәкатьле булуына карамастан – бакчада эш, оныклар белән мәшгульлек, хуҗалык эшләрен башкару –  волонтерлар, вакыт табып, көч куеп, безнең яклаучыларыбызга ярдәм итә. Волотерларның һәр төене, һәр челтәре – барыбызны да саклаучы солдатларыбызның иминлеген тәэмин итүгә зур өлеш. 

«Бу игелекле гамәлләр, туган җиргә, Ватанга булган мәхәббәтнең ачык күренеше. Аларның тырышлыгы, сабырлыгы һәм фидакарьлеге һәркем өчен зур үрнәк. Бу челтәрләр, әлбәттә, сугышчыларыбызны дошман күзләреннән саклап калыр, аларның хәрәкәтләрен яшерәчәк, шуның белән аларның тормышын саклауга зур өлеш кертәчәк», – дип сөйләде клуб җитәкчесе Татьяна Егорова.

Фото Якты Күл авылы клубыннан.