«Газетабыз – ул уртак йортыбыз»: «Туганайлар»ны укучылар үз фикерләрен юллый

Алар ел саен газетабызга язылып, һәр санын зур кызыксыну белән укып баруларын әйтәләр.

«Үз керәшеннәребез газетасы бит ул, ничек язылмыйсың ди! Язмалар бик эчтәлекле, һәр теманы да яратып укыйбыз. «Туганайлар» һәр керәшен кешесенең күңеленә хуш килерлек, аларның тормышын яктыртырлык материаллар бастыра. «Сүрәкә» ансамбле дә үз газетабыз кебек үк,  халкыбызның йола-гадәтләрен, мәдәниятен саклап калу, аны яшь буынга җиткерү өчен тырыша. Газетабыз – ул безнең уртак йортыбыз, анда һәркем үз фикерен ирекле әйтә, үзенең уй-кичерешләрен уртаклаша ала. Шуңа күрә, һәр язманы кадерләп кабул итәбез», –  диләр алар.

Бу сүзләр безнең өчен бик кадерле, чөнки алар укучыларыбызның безгә булган ышанычын һәм яратуын күрсәтә. Аларның бу сүзләре безне тагын да, кызыклырак язмалар әзерләргә дәртләндерә.