Дүрт Мунча авыл җирлеге волонтерлары 700нче маскировка челтәрен үрделәр

Бу сан артында — 1 ел һәм 10 ай дәвамында һәр көнне туктаусыз башкарылган зур хезмәт тора. Дүрт Мунча һәм Зичәбаш авылларында чын мәгънәсендә заманыбыз геройлары яши. Алар челтәр үрү белән генә чикләнмиләр: һәр челтәр белән бергә, махсус хәрби операциядәге егетләребезгә иң кирәкле әйберләрне дә җыеп, фронтка озаталар.

«Аларны монда беркем дә мәҗбүр итми, бернинди мактау да көтмиләр. Көн саен, ялсыз-нисез, үзләренең тыйнак хезмәтләре белән Җиңү көнен якынайтырга тырышалар. Бу — олы йөрәкле, илсөяр кешеләрнең фидакарьлеге.

Сезнең куллар — безнең солдатлар өчен ышанычлы тыл. Җиребездә тизрәк тынычлык урнашсын, ә егетләребез исән-сау, Җиңү белән туган йортларына әйләнеп кайтсыннар», — дип яздылар Дүрт Мунча мәдәният йорты хезмәткәрләре.

Керәшен дөньясындагы яңалыкларны МАХ-канал да карап барыгыз. 

Хәбәрләрегезне 89172509795 номерына языгыз, шалтыратып әйтегез.