«Баш чишмә» ансамбле хореографы Надежда Кузьмина балалар бакчасында мастер-класс күрсәткән

Түбән Каманың  Красный Ключ «Әкият» балалар бакчасы базасында «Мәктәпкәчә яшьтәге балаларның халык сәнгате аша рәсем-эстетик үсешен арттыру» темасына багышланган методик берләшмә уздырылган.

«Баш чишмә» ансамбле хореографы Надежда Кузьмина методик берләшмә катнашучылары арасында «Алатырь» символын буяу буенча мастер-класс үткәрде.

Алатырь – тормыш, кояш һәм яктылык символы, элгәредән дин тотучылар өчен иң борынгы билге, ул ир-атлар, хатын-кызлар һәм йорт өчен дә саклаучы булган. 

«Бу билге керәшеннәрдә бик еш очрый. Аны өйләрдә: тәрәзә рамнарында, капкаларда, йорт җиһазларында, чигүләрдә күрергә мөмкин. Алатырь символы, легенда буенча, Ходай көчен үз эченә ала, кара көчләрдән саклый, сәламәтлекне арттырырга һәм ныгытырга ярдәм итә, нәсел хәтерен саклый, буыннар бәйләнешен тәэмин итә», – ди Надежда Михайловна.

Надежда Кузьмина фотолары.