Авылларда язгы өмәләр гөрли

Яз килү белән, кар эреп, ачылган җирдән чүп-чар күренә башлый. Бу чорда халык актив рәвештә үз тирә-юнен чистарту, төзекләндерү һәм ямьләндерү эшләрендә катнаша. Авылларда, бигрәк тә зур бәйрәмнәребез алдыннан, халык чисталыкны кайгыртып, өмәләргә чыга.

Бакалының Үмер авылы мәдәният йорты хезмәткәрләре дә чисталыкны саклау максатыннан өмәгә чыктылар, авыл тирәсендә тәртип урнаштырдылар.

Өмәнең әһәмияте зур, чөнки кайберәүләр табигатькә зыян китерүләрен, чүп-чар ташлауларын уйлап та бетермиләр. Бергәләп чисталыкны саклыйк һәм «Чисталыкны саклау – чүп ташламауда» дигән акыллы сүзләрне истә тотыйк.

Якынлашып килүче Олы көн бәйрәме алдыннан, дүшәмбе көнне, Яңа Илек авыл мәдәният йорты һәм китапханә хезмәткәрләре һәйкәл тирәсендәге территорияне чистарту өчен берләштеләр.

«Бу изге гадәт, ул безнең уртак мәйданның матурлыгын һәм чисталыгын саклап калу гына түгел, ә тарихка һәм хәтергә хөрмәт күрсәтүгә дә ярдәм итә», –  ди авыл мәдәният йорты җитәкчесе Снежана Шадрина.

Ирина Маркова, Снежана Шадрина фотолары.