«Айбагыр» лагерена гаризалар кабул итү башланды

Кызыклы уеннары, мастер-класслары, квест һәм бәйрәмнәре белән истә кала торган «Айбагыр» этносменасы балаларны күңелле ялга чакыра. «Айбагыр» этносменасы 23 июльдән 9 августка кадәр дәвам итә. Ул 14нче тапкыр оештырыла. Керәшен балалары өчен булган «Айбагыр», соңгы еллардагы традиция буенча, быел да Яшел Үзән районындагы «Мирас-Наследие» лагерында уза. Этносменада быел 10-18 яшьлек 104 бала ял итәчәк. 

Татарстан яшьләр эшләре министрлыгының профильле сменалар смотрында катнашып, субсидия алу реестрына керә алганлыктан, 18 көнлек бер путёвка бәясе — 18 мең сум (тулы бәясе 25 мең сум булыр иде).

«Айбагыр» этносменасында ял итүчеләрдән гаризалар 31 майга кадәр кабул ителә. Гаризаларны әлеге ссылка аша кереп тутырып җибәрергә кирәк. 

«Айбагыр» сменасына кагылышлы барлык сораулар белән «Бәрәкәт» яшьләре бүлеге активисты Аида Тукачовага  (тел.: 89196236628) мөрәҗәгать итә аласыз.

Кызлар, малайлар! Җәйге ялыгызның онытылмаслык булып истә калуын теләсәгез, «Айбагыр» этносменасына килегез.