2026 елда Татарстанда кемнәр пенсиягә чыга алачагы билгеле булды

Пенсия реформасының күчеш этабы

2025 елда татарстанлылар, гомуми кагыйдәләр буенча, пенсия реформасы белән бәйле күчеш чоры дәвам иткәнгә күрә, яшь буенча пенсия рәсмиләштерә алмаячак.

2018 елның 3 октябрендәге 350-ФЗ номерлы Федераль закон нигезендә, Россиядә пенсиягә чыгу яше акрынлап арта. Бу процесс 10 елга исәпләнгән — 2019 елдан 2028 елга кадәр.

Нәтиҗәдә пенсия яше биш елга артачак: хатын-кызлар пенсиягә 60 яшьтә чыга алачак, ә ирләр – 65 яшьтә.

2026 елда кем пенсиягә чыга алачак?

2026 елда гомуми кагыйдәләр буенча пенсиягә 1962 елда туган ир-атлар (аларга 64 яшь тула), һәм 1967 елда туган хатын-кызлар (аларга 59 яшь була) чыга алачак.

Моннан тыш, 2026 елда вакытыннан алда пенсиягә чыгу хокукына ия татарстанлылар лаеклы ялга чыга алачак.

Татар-информ

Керәшен дөньясындагы яңалыкларны МАХ-канал да карап барыгыз. 

Хәбәрләрегезне 89172509795 номерына языгыз, шалтыратып әйтегез.