2025 елның апрелендә түләүләр ничек үзгәрәчәк?

2025 елда өстәмә шактый зур булачак һәм 14,75 процент тәшкил итәчәк. Мисал өчен, узган ел социаль пенсияләр 7,5 процентка арткан.

2025 елның 1 апреленнән картлык буенча социаль пенсияләр, чит ил гражданнарына, шулай ук РФ территориясендә кимендә 15 ел даими яшәүче һәм билгеләнгән яшькә җиткән гражданлыгы булмаган кешеләргә пенсияләр индексацияләнәчәк. 

Туендыручысын югалту уңаеннан социаль пенсия дә артачак. Аны, мәсәлән, бер яки ике ата-анасын югалткан 18 яшькә кадәрге балалар ала.
Картлык буенча социаль пенсия, өстәмәне исәпкә алып, 2025 елның 1 апреленнән 8824,08 сум тәшкил итәчәк. 2025 елның 1 апреленнән соң социаль пенсия күләме өченче төркем инвалидлар өчен — 7500,53 сум; икенче төркем инвалидлар өчен — 8824 сум; беренче төркем инвалидлар өчен яки икенче төркем балачактан инвалидлар өчен — 17 648,24 сум; беренче төркем балачактан инвалидлар һәм инвалид балалар өчен — 21 177,59 сум тәшкил итәчәк. Туендыручысын югалту буенча социаль пенсия һәм индексациядән соң ятим балаларга пенсия 8824,08 сум тәшкил итәчәк. Ике туендыручысын да югалткан балалар өчен түләү күбрәк булачак һәм 17 648,24 сум тәшкил итәчәк.

1 апрельдән апрельдә 80 яшь тулган пенсионерларга, шулай ук апрельдә беренче төркем инвалидлык алучыларга өстәмә ясалачак. Өстәмә күләме 8907 сум 70 тиен тәшкил итәчәк. Бу өстәмәне конкрет айдан түгел, ә билгеле бер яшькә җитү яки инвалидлык төркеме алу факты буенча ясыйлар.

Шәһри Казан