Салкын тигәндә халык медицинасы

• Сарымсак төшләрен яки суганны сыттырып, сай тәлинкәгә салыгыз. Башыгызга калын сөлге ябып, тәлинкәгә иелегез һәм 3-5 минут дәвамында ингаляция ясагыз — башта авызыгыз белән сулыш алып, һаваны борын аша чыгарыгыз, бераздан киресенчә эшләгез. 
• Болай эшләргә иренсәгез, иртәле-кичле сарымсак яки суган чәйнәргә дә була (сулыш алу — ингаляция ясагандагыча). 
• 1 аш калагы кура җиләге, 1 аш калагы бал, 1 аш калагы ак май, 1/2 бал калагы чәй содасы, 30 грамм коньякны бергә бутап, төнгелеккә эчеп ятыгыз. 
• Салкында аягыгыз туңган очракта, өйгә кайтуга, аяк табаныгызга горчичник ябыштырыгыз. 
• Савыга башлагач, витаминлы сок ясап эчегез: 1/2 стакан кишер согы, 1/3 стакан кызыл чөгендер согы, 1 аш калагы кара торма согы. 

Игътибар! Боларны кулланыр алдыннан, табиб белән киңәшергә онытмагыз.